估唔到雖然我同Jason無見咁耐，首曲同詞竟然可以一拍即合。今次我地決定將首歌叫做《尋音作樂》- 尋音，係形容我地呢半年o既經歷 ; 而作樂，就當然係個結局啦。我覺得呢首歌同我以前o的歌好唔同，好似首歌係真真正正屬於我(地?)o既咁。我仲搵左山村樂隊黎唱首歌添，你地聽下啦！

YEAH!!!! 我要在此宣佈我同Jason o既夢幻組合要重出江湖喇!!!
Jason同我今朝見李老闆 (Jason’s 老闆)， 佢不單止十分支持Jason重新同我搭檔，而且仲會出錢出力幫我地添!!
太好喇，我應承大家，我同Jason一定會全力以赴，做到最好，作好多好歌出黎!!!一定要勁過陳輝陽同林夕!!!

Jason 留低左幾隻字俾我:
那怕風雨 航道照舊 前路縱顛簸 一首快歌

我真係要係呢度好好多謝Elena，事關佢請左我去睇萬眾期待o既Musical “Shall We Talk”，真係超級精彩動人。
但係我今日最大o既收獲唔係可以睇到Musical，而係我竟然係散場o既時候撞返Jason!!! 我諗…. 經過上次o既日本之行，我真係諗通左好多，又搵到好多突破。今日我見番Jason，我居然一o的都唔嬲佢 (咁…. 其實我之前的確有o的唔?o既 =p)，仲有一種… 莫名其妙的久別重逢o既感覺添!!
我亦都無放過見到Jason呢個機會，我就大膽咁同佢講「你想唔想夾返呀?」….
可惜… 佢話要問問佢老闆… 不過…. 我對Jason好有信心!!! 因為我仲可以感覺到佢對填詞o既理成為首屈一指填詞人o既渴望，好似以前一讓咁強烈!!